Stajoù

Deskiñ
Stajoù

formation eligible au cpf22

Ur c'helenn prim graet evit an dud deuet

  • Stajoù stummadur dibaouez evit deskiñ fonnusoc'h, evel-just, met en un doare plijus hag aes d'an oadourien.

  • Pep strollad (12 den d’ar muiañ) a vo graet war e dro gant daou gelenner. An hentenn « Brezhoneg Oulpan » a vo implijet e-pad ar staj, evit lakaat an deskerien da gomz ar muiañ ar gwellañ.

Un hentenn vev ha leun a startijenn enni

  • Stajoù stummadur dibaouez evit komz hep stroñs adalek an eurvezhioù kentañ.

Evit bezañ muioc'h en e aez gant ar yezh

  • Stajoù stummadur dibaouez diazezet war 35 eurvezh a gentelioù er sizhun, dre strolladoù bihan gant daou stummer.
  • Digor eo ar sizhunvezhioù stummadur dibaouez-se evit tud deuet (stuñv stummañ) d’an holl (hiniennel pe micherel) ha gellout a reont bezañ kemeret e karg gant o embregerezh.
  • Kinnig a reomp deoc'h un test live da dermeniñ ho strollad ha roll labour ar stummadur.
  • Roll ar staj a vo roet deoc'h dre bostel pe dre lizher kerkent ha goulennet.
  • E-kerzh ar sizhun e tesk ar stajidi diazezoù ar yezh a-drugarez d’un hentenn vodern ha plijus, krouet a-ratozh kaer evit kelenn d’an oadourien.

 

 


Stajoù
brezhoneg
Week-end brav
e Sant-Maloù
Staj
Sevel Pennadoù Kazerennerezh
Staj
e Sant-Ervlan
Staj e RoazhonStaj war ar brezhoneg
dre soubidigezh

Dibenn sizhun e Sant-Maloù (22-23 a viz C'hwevrer) - p.1

Devezh staj : Sevel Pennadoù Kazerennerezh (miz Gwengolo 2020) - p.2

Naoned e brezhoneg (06-10 a viz Gouere) - p.3

Staj e Roazhon (20-24 a viz Gouere) - p.4

Bro Pourlet (27-31 a viz Gouere) - p.5

Dibenn sizhun e brezhoneg e Sant-Maloù

Skol an Emsav a kinnig deoc'h ur staj e brezhoneg d'ar Sadorn 22 ha d'ar Sul 23 a viz C'hwevrer e Sant-Maloù .

 

Daoù zevezh staj ( adelek Sadorn mintin betek Sul enderv )

Kentelioù + bod&boued

  • 95€ priz leun
  • 80€ priz digresket (Tud dilabour ha studierien)
  • 70€ evit ar re enskrivet e stummadurioù hir

Digor eo d'an holl ar staj

Evit liveoù deraouad ha barrek e vo kentelioù hag abadennoù evit an holl !

 
 

Priz digresket : klaskerien labour, studierien, liseidi, korvoderioù sokial izek

Sevel Pennadoù Kazerennerezh

Abalamour d'an diarbennoù yec'hedel e vo ampellet ampellet an devezh stummañ a oa raktreset d’an 29 a viz Mae da viz Gwengolo 2020.

D'ar Gwener 29 a viz Mae e vo aozet un devezh stummañ war ar skrivañ pennadoù gant Fulup Lannuzel e Skol an Emsav.

Pal ar staj zo deskiñ d’an dud sevel pennadoù en un doare aes ha buan, dre reiñ dezho teknikoù efedus :

1. Mont diouzhtu d’ar pep pennañ : petra a venner lavarout ? Termenañ ar « c’hogn », da lavarout eo gouzout dibab etre meur a savboent diwar-benn un danvez bennak ha reiñ ul liv resis hag azonus d’ar skridaozañ.

2. Gouzout frammañ ur pennad : ar fedoù da gentañ, ar c’hudennoù hag an displegañ da c’houde ; kavout un titl arouezius, un tog aes da gompren hag a ro c’hoant da beurlenn ar peurrest, hag istitloù leun ha fetis.

3. Kaout ur stil eeun, sklaer, resis, gant gerioù dibabet mat ha bev, ober gant frazennoù berr, implij ur frazennadur reizh, reiñ lusk d’al lennerezh, skrivañ gant aked deroù ha dibenn ar pennad.

4. Gouzout penaos klask an titouroù ha gwiriañ anezho, dibab skeudennoù a glot gant an destenn hag a zegas un dra ouzhpenn. 

  • 130€ priz leun
  • 180€ priz priz evit an embregerezhioù

Goulennet e vo digant ar re o defe c'hoant da lakaat o anv skrivañ ur pennadig evit an devezh stummañ.

Evit lakaat hoc'h anv : 

Follenn enskrivañ /pe/ Lakaat e anv enlinenn 

 

Naoned e brezhoneg (Staj kenaozet gant Kentelioù an Noz) 

Etre ar 06 hag an 10 a viz Gouere 2020

Dre soubigezh (Digor d'an holl)

 

Ur sizhunvezh staj dudius, plijus ha pleustrek en ur greizenn gouestlet d’ar brezhoneg penn da benn e Bro Naoned. Ur staj bod ha boued eo ivez evit ar re o defe c’hoant da brofitañ eus kement prantad ar sizhun (predoù, beilhadegoù…).

Kentelioù a vo war an deiz ha meur a live a vo kinniget. Pep hini a c’hallo mont war-raok, diouzh e lusk ha diouzh e live. Pourmenadennoù ha gweladennoù a vo e Naoned hag en trowardroioù evit gellet klevet hag ober gant ar brezhoneg e-maez eus ar c’hentelioù. N’eus netra gwelloc’h evit gellet mont war-raok !

 

Prizioù 2020
Formulenn Enskrivadur a-raok
an 30/04 
15% digresk
Enskrivadur a-raok
an 31/05 
10% digresk
Enskrivadur goude 
an 31/05
Priz leun
bod&&boued

280,50€

297€

330€

Priz leun
hep bod&boued

221€

234€

260€

Priz digresket
bod&boued

221€

234€

260€

Priz digresket
hep bod&boued

178,50€

189€

210€

CPF

600€

600€

600€

Skoazell

220€

220€

220€

 Follenn enskrivañ /pe/ Lakaat e anv enlinenn

  

Priz digresket : klaskerien labour, studierien, liseidi, korvoderioù sokial izek, (Gant un testeni dre ret)

Staj war ar brezhoneg e Roazhon

Etre an 20 hag ar 24 a viz Gouere 2020

 

Staliet eo Skol an Emsav e Raozhon hag en he c’hreizenn nevez e vo dalc’het ur sizhunvezh staj etre ar 20 hag an 24 a viz Gouere. Digor eo ar staj d’an holl, deraouidi ha tdu o defe heuliet kentelioù sizhuniek pe stajoù all.

Ma soñj deoc’h ne rit ket trawalc’h gant ar brezhoneg dre gomz, ma soñj deoc’h e vefe mat adwelet ar yezhadur pe an distagdur ha dreist-holl ma faot deoc’h diazezañ an holl draoù ho peus studiet ha mont pelloc’h ganti , ho peus kavet ar formulennoù a zegaso deoc’h prantadoù plijus ha talvoudus war un dro …gant ar brezhoneg !

Prizioù 2020
Formulenn Enskrivadur a-raok
an 30/04 
15% digresk
Enskrivadur a-raok
an 31/05 
10% digresk
Enskrivadur goude 
an 31/05
Priz leun
hep bod&boued

195,50€

207€

230€

Priz digresket
hep bod&boued

148,75€

157,50€

175€

CPF

500€

500€

500€

Follenn enskrivañ /pe/ Lakaat e anv enlinenn

Priz digresket : klaskerien labour, studierien, liseidi, (Gant un testeni dre ret)

Bevomp e brezhoneg ! Ur staj brezhoneg dre soubidigezh e vro Pourlet

Etre ar 27 hag an 31 a viz Gouere 2020

Ur staj Bod ha Boued, digor d’an holl


Evel bep bloaz, abaoe 2011, e vo ar staj e brezhoneg penn da benn, digor d’an holl re a faot dezhe mont war-raok gant ar yezh, gwelet poentoù yezh nevez, geriaoueg…ha dreist-holl kaozeal, ober traoù e brezhoneg ha kaout plijadur !

Brezhoneg, brezhoneg !

Ar c’hentelioù, ar pourmenadennoù, ar gweladennoù, ar predoù, ar filajoù, pep prantad a vo e brezhoneg hag e brezhoneg nemetken !

Un en-dro a-feson evit labourat war ar c’hompren hag evit komz !

Gellout eskemm, labourat war al liveoù yezh, kaout plijadur dre ar brezhoneg (e-pad ar c’hentelioù, ar mareoù evit lakaat ar poentoù studiet e pleustr, ar gweladennoù…) a vo war roll-labour ho sizhunvezh staj.

Ur staj a-feson evit ar re o deus bet ar yalc’had « Skoazell » !

 

Prizioù 2020
Formulenn Enskrivadur a-raok
an 30/04 
15% digreskd
Enskrivadur a-raok
an 31/05 
10% digresk
Enskrivadur goude
an 31/05
Priz leun
bod&boued

306€

324€

360€

Priz digresket
bod&boued

221€

234€

260€

CPF

600€

600€

600€

Skoazell

220€

220€

220€

 

Priz digresket : klaskerien labour, studierien, liseidi, korvoderioù sokial izek, (Gant un testeni dre ret)

Priz digresket : klaskerien labour, studierien, liseidi, korvoderioù sokial izek, (Gant un testeni dre ret)

POUEZUS : dalc'het e vez ar stajoù 35e pa vez 7 den da nebeutañ en ur strollad. Ma n'eus ket eus an 7 den-se e vo nullet ar staj ha kelaouet e vo an dud ragenskrivet dre bellgomz ha dre lizher 10 devezh a-raok deiziad penn-kentañ ar staj (d.s. d'ar Wener 2 a viz Gwengolo a-benn al Lun 12). Abalamour da se e ranker doujañ ouzh an deiziad meneget evit an enskrivañ. Ne dalvez ket ar meneg-se evit ar stajoù a vez kenstaget ouzh ar stummadurioù 6 miz. Trugarez da vont e darempred ganeomp m'ho peus c'hoant da gaout muioc'h a ditouroù.

Titouroù:  02 99 38 75 83 pe dre bostel degemer@skolanemsav.bzh

Prev Next
Tagged under