Stummadur hir

formation eligible au cpf22

Stajoù kentañ

  • Roazhon, St Ervlan, St Nazer ha Dinan etre ar 07 a viz Gwengolo 2020 hag an 19 a viz Meurzh 2021
  • Roazhon etre ar 04 a viz Genver hag ar 24 a viz Even  2021

  • 24 sizhunvezh staj 35 eurvezh = 840e. Gellout a rit en em ragenskrivañ diouzhtu-kaer.
  • Studiet e vo an teuliadoù da gentañ hag an dibab a vo graet diouzh emgavioù hiniennel.

Lec'hioù ar stummadurioù

  • Roazhon, 8 trolec'h Sant-Albin, 35000 Roazhon ( metro Santez-Anna a/b)
  • St Ervlan, Yezhoù ha Sevenadur, 12 bali an Añjevinier 44 800 Sant Ervlan
  • St Nazer, e bagad Sant-Nazer, 83 bis straed Trignac - 44600 Sant Nazer

Abaoe 2006 e kinnig hor c'hreizenn kelc'hiadoù stummañ micherel war 6 miz. Ar  prantadoù-se 840 eurvezh anezho a ro an tu da dizhout ar pezh a zo par da live B2 Portfolio Europa ar yezhoù.

  • Ha fellout a ra deoc’h kavout ur post-labour er vro war dachenn ar c’helenn (skol-vamm, kentañ hag eil derez) e bed ar buheziñ.
  • Ha fellout a ra deoc'h labourat en un embregerezh pe ur gevredigezh a ra gant ar brezhoneg (sekretouriezh, kontouriezh), evit ober war-dro ar re gozh.
  • E meteier all e vez klasket war-lerc'h brezhonegerien : e bed ar mediaoù da skouer,
    skingomz, kazetennerien, komedianed, advouezhierien...

Ouzhpenn 1000 den a labour bemdez e brezhoneg ! Deuit da vezañ unan anezho !

M'ho peus ur raktres micher e liamm gant ar brezhoneg, pe ma fell deoc'h stagañ gant ur c'helc'hiad stummañ er skol-veur, graet eo ar stummadur war 6 miz evidoc'h.

Arc'hantaouiñ ar stummadurioù lies

Kerkent ha ma voc’h deuet e darempred ganeomp e harpimp ac’hanoc’h evit dont a-benn da arc’hantaouiñ ho stummadur. Ha pa vefec’h gopret pe dilabour e c’heller kaout diskoulmoù evit ma teufec’h e-pad 6 miz ganeomp.

Ha fellout a ra deoc’h gouzout hiroc’h ? Deuit e darempred ganeomp, kaset e vo un teuliad titouriñ deoc'h hag e vo kinniget un emgav hiniennel deoc’h.

Titouroù : 02 99 38 75 83

Arc'hantaouiñ evit ar c'hopridiArc'hantaouiñ evit an dud dilabourNe zerefe hini ebet eus an diskoulmoù-se ouzhoc'h ?

ho kwiriouAr c'hopridi a c’hell bezañ degemeret en hor c'hreizenn-stummañ a-drugarez d'ar gwir hiniennel d'en em stummañ (gellout a ra kement goprad berniañ ur c'hred stummañ par da 20 eurvezh bep bloaz, a c'heller berniañ e-pad 6 vloaz hep mont en tu all da 120 eurvezh),  pe d'ur c'hoñje hiniennel a stummadur  CIF/KHS (ur stummadur na bad ket muioc'h eget 120 eurvezh hag a vo kaset da benn e korf ur bloavezh) a-drugarez da steuñv stummañ hoc'h embregerezh, evit cheñch micher.

pdfPellgargit ar pleg-dibleg diwar-benn ar gwirioù da vezañ stummet.

Ma fell deoc'h gouzout hiroc'h diwar-benn ar CIF: www.fongecif-bretagne.org

Gallout a reer tapout sikourioù m’och enskrivet evel den dilabour. Kement-mañ zo bet lakaet e pleustr gant Kuzul-rannvro Breizh. E ken kaz n'ho pefe ket ar gwir da gaout tamm gwenneg ebet gant ar pol Implij e c'hello Rannvro Breizh reiñ ur skoaziad evit ho sikour da heuliañ ar c'houlzad stummañ.

Gouzout hiroc'h: http://www.bretagne.fr/

Gallout a reomp kavout diskoulmoù arc’hantaouiñ all.